Joshua 2
Rahab le Thukansimte
1Tua ciangin Nun’ tapa Joshua in Shittim panin thukansimte nih a sawlsim hi. Amah in, “Pai-in gam va vel unla, Jericho va lim van diak un,” a ci hi. Tua ciangin amaute pai uh a, a min Rahab kici numei kizuaknu ▼▼2.1 Ahikeh inn cingpa hi thei
inn ah lutin tua lai-ah a taam uh hi. b 2 Jericho kumpipa tungah, “En in! Israel-te pawlkhat gamsung thu a kansim dingin tuzanin hong pai uh hi,” ci-in kigen hi. 3Tua ciangin Jericho kumpipa in Rahab tungah, “Na inn ah hong pai-a hong tung mite gambup thu a kansim dinga hong pai ahi manin hong paikhiatpih in,” ci-in thu a zasak hi. 4 Ahi hangin numei in mi nihte sama a seel hi. Tuanu in, “Mi nih hong pai mah hi, ahi hangin koi pana hong pai uh hiam ka thei kei hi. 5Khua mial kuan khuapi kongpi khak hun ciangin amaute paikhia uh hi. A paina lam uh ka thei kei hi. Nungdelh mengmeng un. Pha thei kha nuteh,” a ci hi. 6(Ahi hangin amaute inn khum tungah paipih to a, innkhum tunga a koihsa anthul kung lom nuai-ah a seel hi.) 7Tua ciangin tua mite in thukansimte Jordan ngahmun lamah nungdelh uh a, tua a nungdelhte a paikhiat khit phetin kongpi a kikhak hi. 8 Thukansimte a lup ma-un, tuanu innkhum tungah kahto-a, 9amaute kiangah, “TOPA in hih gam no khut sungah hong piak lam ka thei hi; no kong kihtakna uh ko tungah hong tungin hih gam sunga tengte khempeuh in no hong kihta in ka lungsim uh a bei keii hi. 10Egypt pana hong paikhiat lai-un TOPA in San Tuipi ▼▼2.10 Hebrew in Yam Suph; tua in Pumpeng Tuipi cihna
a keusakna le Jordan nisuahna lama om na suksiat mangsa ▼▼2.10 Hebrew lai-ah TOPA
uh Amor-te kumpi nihte Sihon le Og tunga na bawlnasate uh ka na za zo uh hi. 11Tuate ka zak uh ciangin TOPA note Pasian, tunga om van le nuai-a om lei ah Pasian ahi manin ka lung uh neu-a, a kuamahpeuh ka hanna uh a bei hi. 12Tua hi a tu-in no tungah migitna hong lak khin ka hi manin nong hehpihna un ko innkuan tungah migitna nong lah nading uh TOPA lo-in hong kiciam un. 13Ka nu ka pa, ka sanggamnu ka sanggampa le amau tawh a kizom khempeuh nuntakna hong hawisak a, sihna pan nong hotkhiat nadingun lim kician khat kei hong pia un,” a ci hi. e 14 Mipa in tuanu tungah, “Nang nuntakna, ko nuntakna ahi hi; ka hihte uh nong gen kei nak leh TOPA in hih gam hong piak ciangin no tungah migitna le muanhuaina kong lak ding uh hi,” ci-in a lungmuangsak hi. f 15 Tua ciangin tuanu tenna inn khuapi kulha ki-um ahi manin amaute tawhlet vangah khau-in a khaisuk hi. 16Tuanu in amaute kiangah, “No hong delhte hong muh loh nadingin mualtung lamah pai un. Amaute ciah kik mateng ni thum sung tua lai-ah va bu phot unla tua khit ciangin na pai nading lam-uah pai pan un,” a ci hi. 17 Mite in tuanu tungah, “Hih ko nong kiciamsakna a mawkna in ko tung hong tuk loh nadingin, 18hih gam kong lut uh ciangin hih ko nong khaisukna khauhual san hih tawhlet mah na khih inla, na nu na pa, na sanggampate le na innkuanpih khempeuh na inn sungah na omsak in. 19Inn sung pan khatpeuh paikhia-in lampi-ah a pai leh ama sisan ama lutungah tu dinga; ko tawh kisaikha lo ding hi. Ahi zongin nang tawh inn sungah a omkhawm mi khatpeuh tungah khut a kingak khak leh ama sisan ko tungah tu ding hi. 20Ahi hangin nang, hih lai-a ko nasepna na genkhiat leh ko nong kiciamsak kiciamna panin ka peng ding uh hi,” a ci uh hi. g 21 Tuanu in, “Ka thukim hi, na cih bangun hi ta hen,” ci-in a dawng hi. Tua ciangin amaute paikhiasaka, a kikhen uh hi. Tuateh tawhlet ah khauhual san a khih hi. 22 Tua lai nusia-in amaute pai uh a, a nungdelhte in lamdung khempeuh zong uh a mu loin a ciah kik dong uh - ni thum sung tua lai-ah a om uh hi. 23Tua ciangin mi nihte a ciah kik uh hi. Amaute mualtung panin paikhia suk uh a gun ngapin Nun’ tapa Joshua kiangah tung uh a, amau tunga thupiangsa khempeuh a gen uh hi. 24Amaute in Joshua kiangah, “TOPA in gambuppi ei khut sungah hong pia khin taktak hi; a gam mite khempeuh ei hong kihta in lungsim bei uh hi,” a ci uh hi.
Copyright information for
ZomZIV